مدرســــــــــة أورمــــــان طلخـــــا للتعليـــــم الأســـــاسى

مدرسة اورمان طلخا للتعليم الأساسى ( علوم . أبحاث . علوم تربوية . شعر وأدب وفنون )
 
الرئيسيةالبوابةاليوميةمكتبة الصورس .و .جبحـثقائمة الاعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» مصر حبيبة الملايين
11/11/2016, 6:05 pm من طرف رجل المستقبل

» امتحان اللغة العربية للصف الثاني نصف العام
7/4/2015, 4:55 pm من طرف رجل المستقبل

» موعد امتحانات الفصل الدراسى الأول 2014/2015
2/1/2015, 8:03 am من طرف أشرف صالح

» مكانة مصر فى القران والسنة
2/1/2015, 7:41 am من طرف أشرف صالح

» 2015 عام سعيد عليكوا
2/1/2015, 7:38 am من طرف أشرف صالح

» 2014/2015 عام دراسى جديد ياشباب
20/9/2014, 11:11 am من طرف أشرف صالح

» حادث قطار أودى بحياة زوجة أخى بعد محادثة هاتفية معه مباشرة
20/9/2014, 11:04 am من طرف أشرف صالح

» نتيجة الصف الثالث الاعدادى
8/6/2012, 6:32 am من طرف محمد احمد..

» صور المسجد النبوى
8/6/2012, 6:27 am من طرف محمد احمد..

» هل تعلم فى الاسلام
8/6/2012, 5:50 am من طرف محمد احمد..

» كيف تكون شخصية عظيمة
8/6/2012, 5:24 am من طرف محمد احمد..

» الذكر العظيم
8/6/2012, 5:17 am من طرف محمد احمد..

» كل واحد؟؟؟؟؟؟؟؟؟؟؟؟؟؟
30/4/2012, 1:31 am من طرف البرنس عاصم

» عد من1 الى 5 واشترى بيبسى او فانتا او سبرايت أو كوكا
11/4/2012, 1:32 am من طرف البرنس عاصم

» العاب العاب... الحق والعب شويه
11/4/2012, 12:03 am من طرف البرنس عاصم

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
احداث منتدى مجاني
أفضل 10 أعضاء في هذا المنتدى
رجل المستقبل - 1285
 
أشرف صالح - 1048
 
دانا فوده - 888
 
كريم أشرف - 777
 
يارا العسوله - 772
 
Lobna Elymany - 576
 
Omaima - 479
 
ياسمين صالح - 441
 
ايمن رجب - 228
 
البرنسيسة أية حمدى - 198
 

شاطر | 
 

 أصل لازم نعيش في الدوووووووووووووووور ( منقول )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رجل المستقبل
عضو سوبر


عدد المساهمات : 1285
تاريخ التسجيل : 19/04/2009
العمر : 43

مُساهمةموضوع: أصل لازم نعيش في الدوووووووووووووووور ( منقول )   18/5/2009, 5:26 am

بسم الله الرحمن الرحيم



الإنسان الي لابس بدله بتكون مشيته وحركته واسلوب كلامه مختلف عن الانسان الي لابس بنطلون جينز

الي لابس بدله بتكون مشيته لارج وكلاسك جداً صعب تلاقيه رايح يركب ميكروباس يا أما معاه عربيه يا اما يركب تاكسي حتى ولو هو متعود يركب ميكروباس لكن وقت البدله ميصحش يركب ميكروباس او يتشعلق في اتوبيس عام ..



على غير الانسان الي لابس قميص وبنطلون.. تلاقيه شاب فانكي ماشي ماسك الموبيل في ايده يدخل ياكل في محل كشري بيعمل الي هو حابه يركب تاكسي يركب اتوبييس عادي ..



الشاب الي لابس شورت ونازل يقف في الشارع شاب روش علي الاخر لابس الموبيل زي السلسلة ( حاطه في رقبته ) ولابس شبشب بصباع ولابس كاب أديدس .. الشاب ده بقا عادي يقعد علي شنطة عربيه يقعد علي الرصيف مع اصحابه .. يلعب كورة في الشارع مع الشباب .. عادي ..




صاحبنا الاولاني بتاع البدله والتاني بتاع القميص البنطلون والتالت الروش ده ..

كل واحد منهم ليه اسلوب كلام وليه طريقه ماشيه وممكن تقول اسلوبه كله بيتغير .. والمفاجاه إنك تعرف ان ممكن شخص واحد بس ممكن يلبس الثلاث أطقم دول واسلوبه يتغير بطريقه لبسه ..




مش الاسلوب بتاعه اتغير عشان ده فقير وده غني .. ممكن تلاقيه شاب ابوه مليونير والواد نازل بالشورت وبيقعد في الشارع وكده



وصاحبنا بتاع البدله ده راجل غلبان مأجر البدله ..


يعني بتاع الشورت أغني من بتاع البدله بس اسلوبه والناس شايفها بلبسه ده وممكن كون شكله ابن البواب مش ابن مليونير !!!




لو روحنا لنفس صاحبنا ده .. وجيبنا ليه عربيه فور باي فور جيب مثلاً او bmw او جاجور مثلاً أي عربيه غاليه سعرها يعدي ال300 الف جنيه مثلاً :

هتلاقيه قاعده قعده معينه فيها شويه عنتظه ( الا من رحم الله ) هتلاقي اسلوب سواقته مختلف طريقة في الكلام وهو قاعد في العربيه مختلف نزلته من العربيه ليها اسلوب دخوله العربيه ليه اسلوب ..ولنفس صاحبنا ده لو حصلت بيه ضائقه ماليه ربنا يعافي الجميع واضطر انه يبيع السياره دي ويجيب حاجه أقل منها شويه فراح جاب عربيه لانسر البومه 1300 سي سي ب90 الف جنيه ( ياعيني )



هتلاقي اسلوبه وهو سايق اتغيير دخول العربيه والخروج منها هتلاقيه اتغير .. هتلاقي مسكته للدريكسيون اتغيرت بعد ماكان في البي أم بيمسك الدريكسيون بإيدة الشمال بس ويفردها ويسقط نفسه علي الكرسي وكانه علي السرير .. وكانه يركب طائرة دلوقتي يا حرام الموضوع قل شويه ..


ولو نفس صاحبنا ضاقت به الدنيا مره اخرى ( ربنا يعافيه ويعافينا ) وباع السياره اللانسر وجاب عربيه سايت ب14 الف جنيه باب واحد يدوبك فيها كلاكس والعربيه بتفتح من برا بس .. والعربيه مفهاش غير فانوس واحد شمال يشبه فانوس رمضان ..

هتلاقي نفس صاحبنا ده راكب العربيه بإنكسار ماسك الدركسيون بإيده الاتنين ومقرب دماغه من الزجاج .. هتلاقيه مش خايف علي العربيه بيركنها في نص الشارع عادي ممكن يسيب الشباك مفتوح عادي ممكن يطلع بيته من غير ما يقفلها .. هتلاقي تعامله مع العربيه ومع الناس الي شايفاه بالعربيه مختلف .



ليس انكسار بتاع السايت بسبب فقره وانتفاخ بتاع البي أم بسبب غناه .. لا لا لا

ممكن بتاع البي أم شغال سواق عليها وبيكون مرتبه مثلاُ 400 جنيه لكنه اتعنتظ عشان ده منظره راكب بي أم ..

ووممكن يكون بتاع السايت أغني منه علي الاقل معاه ال14 الف الي جاب بيهم السياره ..

بس اسلوب كل منهما بيتكيف مع شكل ومظهر كل واحد منهم الخارجي .. ولو شئت قول ان المظهر ده بيأثر علي الاخلاق كمان سواء بالسلب .. او الايجاب يعني ممكن بتاع العربيه الفلانيه الفارهه لو سواء ميكروباس رخم عليه مش هينزل يتخانق معاه ويقوله يلا بينا علي القسم ...


ويلاحظ معنى كلامي الي يشوف سواقين الميكروباس ...


يكون نفس الشخص اشتغل سنتين علي تاكسي شاهين .. ( مثلا )

وبعد كده سابها واشتغل علي ميكروباس خط ( بولاق – إمبابة )

هتلاقي اسلوبه اتغير تماماً اسلوبه مع الزباين و العربيات الي حولايه اسلوب سواقته اسلوب كلامه مع الناس ومع اهله كمان ..

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رجل المستقبل
عضو سوبر


عدد المساهمات : 1285
تاريخ التسجيل : 19/04/2009
العمر : 43

مُساهمةموضوع: رد: أصل لازم نعيش في الدوووووووووووووووور ( منقول )   18/5/2009, 5:27 am

عايز اقول يعني ان في تأثيرات خارجيه بتقع علي الانسان بتأثر عليه تأثير مباشر ومن التأثيرات دي نظر الناس ليه .. وانطباع الناس عنه من أول نظره .

عشان كده بتاع البدله ( حتى ولو هو فقير ) هتلاقيه عايش في دور رجال الاعمال وبيعدل الجرفته كده بغرور وممكن ميكنش في جيبه 15 جنيه علي بعض وكمان تليفونه مفهوش رصيد ..

نكمل لتوضيح الفكرة ..


صاحبنا كان عنده ساعه غاليه جداً عاملة بتاع 900 دولار مثلاً هتلاقيه وهو لابسها علي طول مبينها لما حد يقوله الساعه كام تلاقيه يروح مشمر كومه ويقوله بكبر كده .. الساعه بتوقيت مصر خامسه وعشره ( علي اساس ان الساعه بتجيب توقيت كذا ودوله يعني ) .. لكن سبحان الملك صاحبنا ساعته اتكسرت منه ومش معاه ساعه دلوقتي .. فلقي في البيت ساعه قديمه قال يلبسها لحد ما يشتري غيرها ..



ولما لبسها بيكون ماشي مسكوف تلاقيه يلبس تيشرت بكوم في الصيف عشان محدش يشوفها تلاقيه لو حد سأله الساعه كم ؟ تلاقيه يقف علي جنب بعيد عن السائل ويبص في الساعه وبعد كده يرجع ويقوله .. او حد يسأله الساعه كم تلاقيه يقوله مش معايه ساعه ..


الموضوع ملهوش علاقه بالفقر او الغنى كلامي كله عن المظهر الخارجي للانسان وإن كان مؤقت فهو يؤثر تأثير مباشر علي الانسان سواء في اسلوبه او كلامه أو أخلاقه ..

والمظهر الخارجي مش بس بيأثر علي الشخص نفسه لاء ده ليه إنطباع وتأثير .. فالانطباع بيكون عند الناس .. يقولك بص فلان ده غني او فلان ده شيك او فلان ده محترم أو فلان .. وبالنسبه للتأثير فهو يؤثر علي الانسان نفسه .. فعندما ينظر الناس له نظرة الاحترام تجده يعيش في هذا الوضع ويعيش في هذا الدور فتجده يتعامل فعلاً بأدب جم ولو لم يكن معتاد علي هذا الوضع .. يعني مثلاً لو عرف انه اتقال عليه من جاره الي قدامه قاله ده الاخ فلان ده وشه بشوش ..


ومثلاً انت مش كده ..

فهتلاقي نفسك نازل من بيتكم مثلاً وعندك مشاكل قد كده وقابلت جارك ده في المدخل ..

هتسلم عليه وهتخلي وشك بشوف جداً ..

طيب ليه انت عملت كده ؟ هل ده نفاق ؟
لاء مش نفاق لان البشاشه صفه طيبه هو وصفك بيها وانت حبيت ان متتغيرش فكرته عنك ..
طيب لو عرفت ان جيرانك كلهم وصفوك بنفس الوصف .. يبقي لما هتقابل أي واحد منهم .. هتكون بشوش ..


وعلي العكس انطباع الناس لما يكون سلبي هتلاقيه بردو بيأثر علي الشخص .. يعني اتعرف في المنطقه مثلاً ان الواد زيزو مثلا .. مفيش بنت بتعدي في الشارع غير لما لازم يعاكسها و... إلخ



طيب في يوم هو واقف مع اصحابه وملوش نفس يعاكس وعدت بنت وهو مش عايز يعاكسها .. ويلاقي اصحابه بيبصوا ليه هو كده منتظرين يعاكسها .. فيقوم يعاكسها لانه اشتهر بكده .. ولو معاكسهاش هيتقال انه معرفش يعلقها او خاف من اخوها مثلاً فشهرته بقله الادب دي أجبرته ولو مش علي مزاجه انه يعمل كده ..

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رجل المستقبل
عضو سوبر


عدد المساهمات : 1285
تاريخ التسجيل : 19/04/2009
العمر : 43

مُساهمةموضوع: رد: أصل لازم نعيش في الدوووووووووووووووور ( منقول )   18/5/2009, 5:27 am

ولو بلطجي اتعرف عنه انه مفيش حد يقدر يتبلطج وهو موجود .. يعني هو راجل الشارع يعني أبو دراع بتاع الشارع .. طيب النهارده في خناقه في الشارع بس هو مش عايز يتخانق .. مينفعش ميتخانقش وميسبش الدين وميبهدلش فلان .. حتى لو مش مزاجه بس هو اشتهر بكده ومينفعش يسكت لانه لو سكت هيتقال انه خاف من فلان او انه قلق منه ..




كل ده انا عايز اقرب ليكم فكرة ان الانسان مظهره الخارجي او شخصيته سواء مؤقته أو دائمه أو ( حد وصفه او حتى أدعى زي الي قال بشوش ) او انطباع الناس ككل سواء الإيجاب او السلب


كل ده ليه تأثير وليه انطباع .. فبيأثر علي الشخصيه نفسها انه بيتكيف مع ما اتصف بيه او مع الانطباع الناس الي إتاخد عنه ...

ماذا أريد من هذا الكلااااام كله ؟


الامر وما فيه إن اظهار وإخفاء الهوية له تأثير كبير

ففي الإسلام أمور كثيرة أعتمدت علي المظهر الخارجي ..

نتحدث عنها مع بعضنا في موضوعات قادمة بإذن الله بشيء من التفصيل واليكم الموجز ..


ففي الحج مثلاً في سنة أمر بها النبي في لبس الإحرام اسمها الإضباع وهي أظهار الكتف وتغطية الآخر وده كان من أسبابة إظهار لغير المسلمين قوة المسلمين .


الحجاب مثلاً عبادة وفرض طبعاً ومفيش حد عاقل مختلف علي كده ..

بعيداً عن موضوع الفتنه وإظهار الشعر أو غيره وبعيداً عن موضوع النقاب او الخمار وفرضيه أو سنية النقاب وبعيداً عن اللبس الشرعي وحدوده وشروطه

هتكلم من ناحية تانيه

البنت الي لابسه لبس شرعي والبنت الي لابسه إيشرب عامل زي مفرش الترابيزة 30 سم * 40 سم نص لبه يعني لسان حالها خير اللباس ماقل ودل ..

أكيد لكل لبس منهما ( اللبس الشرعي , والتبرج وإن لبست مفرش أأقصد إيشرب ) أكيد لكل منهما إنطباع ولكل منهما تأثير علي شخصية صاحبته

فعشان كده دين ربنا متكامل ما شرع لنا سنن وفضائل أعمال إلا بعد ان شرع لنا فروض تعيننا علي هذه الأمور ..

يعني تجد غض البصر والحياء والصوت المنخفض وغيره في الشارع عند الاخت الملتزمه بالحجاب الشرعي أما الأخرى فهي لما تسمع المعاكسات والمضايقات وهي تتمتع بسماع هذا .. يؤثر عليها هذا بإنها تضحك لده وتتنازل مع ده وتتصاحب علي ده وتخرج مع ده .. وطبعاً غض بصر إيه الي انت جي تقول عليه !!!




فشوفت سبحان الله البنت لما ترفع شعار الايمان ( الحجاب الشرعي الكامل ) ده بيضيف عندها اشياء وبقدر ما ارتقت في لبسها الظاهر زادت عبادات تفتقدها إلي الان فأختنا الي لابسه لبس محتشم لكنه لسا ناقصلك شويه صدقيني لو لبستي الخمار أو النقاب ( سواء سنه او فرض ) ولبس أوسع هتحسي بإحساس أخر يزيد علي احساسك الان بالستر وسيدفعك دفعه للإمام قوية إلى الله ..

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رجل المستقبل
عضو سوبر


عدد المساهمات : 1285
تاريخ التسجيل : 19/04/2009
العمر : 43

مُساهمةموضوع: رد: أصل لازم نعيش في الدوووووووووووووووور ( منقول )   18/5/2009, 5:28 am

وكذلك الأخ لما يرفع شعار الإيمان الظاهر حتى وإن كان شخصيته ينقصها كذا وكذا وهو اصلاً ليس كذا وكذا .. لكن زي ما عرفنا الشيء لما يكون كويس .. هياثر بإيجابيه علي صاحبه وهيعطي إنطباع عند الناس طيب لهذا الشخص الطيب ..



يعني لو أخ إبتلاه الله بالتدخين .. وهو مثلاً ملتحي او مثلاُ مصلي في المسجد او مثلاُ بيمشي بمصحف لكنه بيشرب سجاير في البيت مثلاً بس فهتلاقي موضوع مظهره ده بيدي انطباع عند الناس فهتلاقي ناس كتير تقول ليه يا شيخ .. او نظرات الناس له بإحترام .. فهو هيعيش في دور الاحترام حتى يؤثر فيه ويبقي فعلاً قد هذه المسؤليه .. او بمعني اخر بمفهومنا احنا كاخوه .. هيتربي صح .. وطبعاً واحده واحده ايمانه هيزيد وهيقدر علي ترك التدخين مثلاً مفيش ملتزم بدء التزامه 100 % اكيد بدء وكان فيه ذنب لسا بيعمله وواحده واحده بطله .. والي لسا مبطلش .. ماشي في سكة التزكية وجهاد النفس وربنا يعينه






كل الي عايز اقوله من موضوعنا الطووووويل ده ..

ان موضوع المظهر الخارجي ده بيأثر تأثير شديد علي الانسان واخلاقه وانطباعه وكل حياته ..
وان شاء الله ده مش نفاق .. لو فعلاً هيغير في شخصيتي .. وطالما انا بتحسن بجد ..

النفاق اني اكون بمثل اني متدين وانا كاره الموضوع وبتظاهر بالدين لبعض المصالح لكني مُصر علي عدم الالتزام .. لكن طالما بحسن من نفسي .. وكمان من جوايه نفسي نفسها تتغير وتكون أحسن وبتطلب الإعانة من الله



الموضوع طويل وليه بقيه أخري كتبتها بالفعل
وسأرفقها هنا ان شاء الله

أسئل الله ان يكتب لنا الهدايه والايمان وحسن الخلق ..

لو فصلنا في بعض الأمور

أختنا المسلمة الغير محجبة .. لما بتكون ماشيه في الشارع ولابسه لبس ملفت للنظر يشد الانتباه يختلف الناظرون إليها هل هذه البنت مسلمه أم غير مسلمة !! ؟

البنت الي لابسه كده هي عارفه ان الناس بتبص عليها وليس نظرات إحترام هي عارفه انها نظرات شهوانيه على وزن كلمة حيوانية ..

فهنا لو حبينا نطبق التأثير والانطباع الي قلنا عليه .. فالانطباع الي بيكون عند الناس بيختلف باختلاف كل انسان .. وبالرغم من إختلاف الناس في انطباعتهم عنها .. لاتجد من هذه الانطباعات إنطباع الاحترام .

يعني متلقيش مثلاً واحد يقول ماشاء الله تبارك الله شوف الادب والاحترام

ولكن اختلاف الانطباع وقتها ما بين مشمئز وبين ناقد وبين ناظر بشهوة ..

وتلاقي تختلف الكلمات .. حتى الي بيعاكسها ممكن يشتمها الي يقول يابنت كذا والي يقولها ياكذا ..

ده الانطباع عند الناس ..

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رجل المستقبل
عضو سوبر


عدد المساهمات : 1285
تاريخ التسجيل : 19/04/2009
العمر : 43

مُساهمةموضوع: رد: أصل لازم نعيش في الدوووووووووووووووور ( منقول )   18/5/2009, 5:28 am

التأثير علي شخصيتها هي : هي تري العيون وتري النظرات اليها والي مفاتنها فهيكون رد الفعل منها انها إما تستزيد من هذه المفاتن أكثر أو تتعرف علي جديد الموضات لتكون مواكبه لعصر الفتن .. وهذه خطوات الشيطان فانه ينقل من معصيه لمعصيه وجزاء المعصيه معصيه بعدها .. إلا ان يتوب الله علي من تاب ..

ومن التأثير ايضاً : ضياع الحياء تدريجياً حتي ينعدم .. فمش هتلاقيا مثلاً ماشيها بتغض بصرها !! أو مثلاً تنظر إلى الأرض وهي ماشيه .. مش هتلاقيها مثلاً بتتعامل مع الرجال بحدود وان وجدت الحدود .. فما فعلته في نفسها تثبت للناس أن لا حدود لها ..


فلو أرتقت الاخت هذه ولبست إيشرب يغطي شعرها وفقط .. وبدل النص كم لبست بكم .

فعلي قدر هذا التغيير البسيط .. سيتغير في شخصيتها شيء بسيط بقدر ما بذلت ..

نظرة الناس مش هتختلف كتير علموا فقط انها مسلمه وانها تغطي شعرها فلن ينظر أحد إلى شعرها .. لكن وللأسف بسبب الفهم الخاطئ لمفهوم الحجاب والذي تسبب فيه الأهل وغيرهم أن الشعر هو الي عوره وطالما مغطيه شعري يبقي الي يظهر عني زكاة عني وخير اللباس ماقل ودل .. وإلى الله المشتكى .

ولو فضلت تتدرج لحد ما تشد حيلها وتوصل للحجاب الشرعي هتحس بتغيير جذري في حياتها صحيح ممكن الموضوع ياخد وقت ..


هي هي نفس البنت الي كانت بتمشي بلبس سيء ووشها كله بجاحه تحس انها أخر قطرة دم عندها سقطت قبل النزول من البيت .. هي هي نفسها لو لبست شرعي هتلاقي الحياء ظهر عليها وهتلاقي اسلوبها اتغير ..


هنروح بعيد ليه .. الممثلات التائبات كانت وكانت وكانت وبعد الالتزام أصبحت وأصبحت وأصبحت ..


أنت يا أخي نعم أنت

كنت ياما سجاير وبتمشي مع بنات وبتسهر سهرات ..

أنا اعرف أخ شخصياً كان شغال في فندق بار مان ( بيقدم خمور ) أصبح الان وقد التزم كما يقول هو ظاهرياً في أول الامر .. طالب علم مجتهد جداً

انظر الي حيائه هتحس أنه اتولد شيخ ..

هويته هي الي عملت فيه كده بعد هدايه الله له وتقديره ..

ووالله اعرف اخر وهو جاري كان بيشتغل دي جي في فندق أوروبا

ودلوقتي هو أخ لو بنت كلمته دلوقتي تجد ألوان الطيف في وجهه


وانت يا اخي كنت زمان بجح مع البنات مكنش عندك دم ..

( ودلوقتي !!!! ) ايه الاخبار ؟


دلوقتي لو البنت جت كلمة أخ تلاقي وشه أحمر ومرتبك .. وكان زمان كذا وكذا وطبعاً البنت الي بتكلمه معندهاش دم .. ده سعات بنسمع بنات تقول للولد انت مسكوف كده ليه متكسفش !!!

زي أخ مرة حكى لي انه دخل يتصل من سنترال وبيحاسب البنت الي واقفه .. فقالت ليه ممكن اسئلك سؤال ؟ فقال اتفضلي !!

قالت انت ليه مش بتبصلي ؟

طبعاً وشه جاب ألوان وقال لان ربنا أمرني بكده وخرج بعدها مباشرة ..


اتمني يكون الامر اتضح

أهو رمضان داخل

هل هتعرف تعيش في دور الزاهد حتى ولو انت مش كده لعل ده يأثر فيك .
عيش في دور العابد حتى ولو أنت مش كده
عيش في الدور هتعرف ؟

قال الشيخ سمير مصطفي في شريط 10 نصائح لرمضان في اخره

قال اقعد جنب العمود كده وانكسر لله وتذلل له ( إتمسكن يعني لله سبحانه وتعالى )

إنتهى كلام الشيخ

حتى يا اخي لو انت مش كده لكن يمكن تبقى كده !! صح ؟

ومش بس في العباده في اي امر .,,

لو انت سلبي عيش في دور الاجابي

لو انت مش بتحفظ عيش في دور الحافظ

او اي امر من امور الدنيا والدين


وهكذا



أحبكم في الله

ونسألكم الدعاء

والسلام عليكم ورحمه الله وبركاته

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أشرف صالح
عضو سوبر


عدد المساهمات : 1048
تاريخ التسجيل : 16/04/2009
العمر : 51
الموقع : أورمان طلخا للتعليم الأساسى ( ابتدائى )

مُساهمةموضوع: رد: أصل لازم نعيش في الدوووووووووووووووور ( منقول )   20/5/2009, 12:36 pm

عموما تسلم بوووووووووووووووووووووووووووووووووووووووووووووووووووووركت

_________________
أشرف صالح
مع خالص تحياتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Omaima
Admin


عدد المساهمات : 479
تاريخ التسجيل : 12/04/2009

مُساهمةموضوع: رد: أصل لازم نعيش في الدوووووووووووووووور ( منقول )   20/5/2009, 11:22 pm

لا تسلم وبوركت ايه دا الموضوع كبير اوي ومحتاج مناقشة جامدة عشان كدا بعد اذنك يا استاذ محمد
هنقله في منتدي النقاش والحوار ونفتح ساحة المناقشه بس من غير ضرب
كل اللي حضرتك قولته دا جميل لكن انا هقول وجهة نظر متواضعه
كل دي امور نسبية .. بمعني ان ممكن جدا تلاقي حد مظهره بيقول انه متدين سواء كان رجل او امراة
امرأة مثلا ترتدي النقاب مع احترامي طبعا لاخوتي مرتديات النقاب لان في كتير من اهلي واصدقائي بيرتدوه
الا فئة قليلة لا يقمن وزن لمعني التزام مجرد مظهر فقط
يا تري لما تشوفهم هتقول عليهم ايه؟ ولما تتعامل معاهم هتقول ايه؟
والعكس صحيح ناس مظهرها عادي جدا بعيد عن المظاهر اياها زي المغالاه في تقصير الجلباب والبنطلون بالنسبة للرجل
وتلاقيهم بيطبقوا وبيراعوا كل امور الدين في كل صغيرة وكبيرة في حياتهم
وعشان محدش يفهمني غلط انا مش متحيزة لفئة معينه طبعا انا بس عايزة اقول ان المظهر دا هو أخر ما ينم عن الشخصية الحقيقية
ياما ناس ماشيه متخفيه ورا اقنعة
المهم عقيدتنا ثابته الي اي مدي بنلتزم بديننا بقدر الامكان في زمن القابض فيه علي دينه كالقابض علي جمرة من النار
وزي ما قولت الموضوع كبير وعندي كلام كتير جدا لكن ليا عودة ان شاء الله

_________________


لو كان قلبي معي مااخترت غيركم

ولا رضيت سواكم في الهـــوى بدلا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://el-orman.ahlamontada.net
عبدالحميد ابراهيم



عدد المساهمات : 23
تاريخ التسجيل : 18/05/2009
العمر : 27
الموقع : http://noor-fci.your-talk.com

مُساهمةموضوع: رد: أصل لازم نعيش في الدوووووووووووووووور ( منقول )   21/5/2009, 12:20 am

من رأيى مينفعش نقول ان المظهر ده اخر ما ينم عن الشخصيه الحقيقة
مش عشاان فئة معينة قليلة بتستغل مظهر معين ف الظهور قصاااد النااس بشخصيه تخقى شخصيتهم الحقيقه
يبقى نقول ان الناس كلهاا كلهاا (انا عارف ان حضرتك مقلتيش كده انا بكلم بصفه عامه) لكن من ضمن مقومات
احترااامك للشخص فا هو المظهر مش معقول مثلااا نلااقى بنت من ايام اليومين دول الى بيعصوا ربنا بكل خطوه بيمشوهاا ف الطريق بسبب مظهرهم ونقوول اهم حاجه العقيده اذاى .. فين العقيده ف كده !!
والا ربنا بقى مكانش اكلم ف القرأن عن اللبااس الشرعى للمرأه

من رايى مقوماات الاحتراام ان انت تخلى النااس تحترمك هى انك تحترم نفسك
والله احترمت نفسك ف كل حاجه بتعملها
لبسك اسلوبك ف التعاامل مع النااس و شخصيتك المتواضعه و.. الخ
هتفرض على النااس انهم يحترمووك غصب عنهم

سلام عليكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://osfreaks.wordpress.com
أشرف صالح
عضو سوبر


عدد المساهمات : 1048
تاريخ التسجيل : 16/04/2009
العمر : 51
الموقع : أورمان طلخا للتعليم الأساسى ( ابتدائى )

مُساهمةموضوع: رد: أصل لازم نعيش في الدوووووووووووووووور ( منقول )   21/5/2009, 1:58 am

تسلم ايدك ابن اخى الغالى عبد الحميد ربنا يكملك يعقلك يارب ........... على فكره انا كاتب رد ع الموضوع بعنوان الجواب بيبان من عنوانه واعلم ان الأستاذ محمد صاحب الموضوع من الناس الذين نكن لهم كل احترام وهو نفسه يتعرف عليك

_________________
أشرف صالح
مع خالص تحياتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Omaima
Admin


عدد المساهمات : 479
تاريخ التسجيل : 12/04/2009

مُساهمةموضوع: رد: أصل لازم نعيش في الدوووووووووووووووور ( منقول )   21/5/2009, 9:25 am

عبدالحميد ابراهيم كتب:

من رأيى مينفعش نقول ان المظهر ده اخر ما ينم عن الشخصيه الحقيقة
مش عشاان فئة معينة قليلة بتستغل مظهر معين ف الظهور قصاااد النااس بشخصيه تخقى شخصيتهم الحقيقه
يبقى نقول ان الناس كلهاا كلهاا (انا عارف ان حضرتك مقلتيش كده انا بكلم بصفه عامه) لكن من ضمن مقومات
احترااامك للشخص فا هو المظهر مش معقول مثلااا نلااقى بنت من ايام اليومين دول الى بيعصوا ربنا بكل خطوه بيمشوهاا ف الطريق بسبب مظهرهم ونقوول اهم حاجه العقيده اذاى .. فين العقيده ف كده !!
والا ربنا بقى مكانش اكلم ف القرأن عن اللبااس الشرعى للمرأه

من رايى مقوماات الاحتراام ان انت تخلى النااس تحترمك هى انك تحترم نفسك
والله احترمت نفسك ف كل حاجه بتعملها
لبسك اسلوبك ف التعاامل مع النااس و شخصيتك المتواضعه و.. الخ
هتفرض على النااس انهم يحترمووك غصب عنهم

سلام عليكم



انا قولت من غير ضرب يا جماعة Very Happy

عبد الحميد ..

اظن انا قولت مش عايزة حد يفهم كلامي غلط

مش معني كلامي خالص انها دعوة للسفور طالما بينا وبين ربنا
عمار زي ما بيقولوا

انا بقول قد يكون المظهر عادي جدا بعيدا عن اللحية والنقاب
ولكن هناك قواعد للالتزام من داخل الفرد

مبنيه علي اساس وعقيدة ثابته

متكلمتش مثلا عن بنات البادي والجينز وقولت ان هما دول اللي
ملتزمين وعقيدتهم ثابته

ولا قولت كل من ترتدي نقاب او كل من يطلق لحيته جوهرهم عكس
مظهرهم
انا اشارت لفئة قليلة من هنا ومن هنا عشان اوصل وجهة نظري
اللي هي مش دايما بيكون المظهر

هو الفيصل او هو اللي بينم عن الشخصية الحقيقية

تأمل قول الله عز وجل :

{ وإذَا رَأَيْتَهُمْ تُعْجِبُكَ أَجْسَامُهُمْ وإن يَقُولُوا تَسْمَعْ لِقَوْلِهِمْ كَأَنَّهُمْ خُشُبٌ مُّسَنَّدَةٌ يَحْسَبُونَ كُلَّ صَيْحَةٍ عَلَيْهِمْ هُمُ العَدُوُّ فَاحْذَرْهُمْ قَاتَلَهُمُ اللَّهُ أَنَّى يُؤْفَكُونَ }

معني الآية هو قصدي فهناك من تراه جميل الصورة لكنه مجوف بعيد
عن كل الصفات النبيلة كالإيمان

والمروءة والرجولة ......

والعكس صحيح....

_________________


لو كان قلبي معي مااخترت غيركم

ولا رضيت سواكم في الهـــوى بدلا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://el-orman.ahlamontada.net
Lobna Elymany
عضو سوبر


عدد المساهمات : 576
تاريخ التسجيل : 13/04/2009
العمر : 41

مُساهمةموضوع: رد: أصل لازم نعيش في الدوووووووووووووووور ( منقول )   25/5/2009, 5:15 am

العواف عليكم

الموضوع كبير والنقاش سخن

بس انا هعلق على حته بس لفتت نظري في الموضوع

ان الانسان ممكن يتغير تبعا لظروفه الماديه

فدا متهيقلي ميحصلشي غير مع انسان يشعر بالنقص من داخله

فاذا اعطاه الله مالا تكبر به على خلقه

ولكن الانسان الأصيل لا يفرق معه وجود المال من عدمه

فاما موضوع لبس البدلة او الجينز

فالكل مقام مقال

يعني مينفعشي اروح الشغل بالشورت الجينز والكاب

ومقفشي في المصيف على البحر بالبدلة

وأظن ان الاهتمام بالمظهر شىء مهم جدا

مقولشي خالي البساط أحمدي ويبان مظهري مش ولا بد

لكن من المهم أن يظهر المسلم بلبس نظيف شيك مهندم متطيب

فالمظهر عنوان مهم للمسلم

بس كفاية كدا

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Princess_R



عدد المساهمات : 11
تاريخ التسجيل : 23/02/2010
العمر : 28
الموقع : القاهرة

مُساهمةموضوع: رد: أصل لازم نعيش في الدوووووووووووووووور ( منقول )   28/2/2010, 8:15 am

من رأيي المظاهر غالبا بتخدع فمينفعش نحكم على حد عشان لابس كذا او غيره
الى بيحكم الشخصية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دانا فوده
عضو سوبر


عدد المساهمات : 888
تاريخ التسجيل : 20/04/2009
العمر : 19
الموقع : فى كل المنتديات

مُساهمةموضوع: رد: أصل لازم نعيش في الدوووووووووووووووور ( منقول )   4/3/2010, 4:30 am

اه ده يااستاذ محمد

كل دهموضوع انا مقراتوش كله ده كبيييييييييييييييييييييييير

الواحد نظره على قده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يارا العسوله
عضو سوبر


عدد المساهمات : 772
تاريخ التسجيل : 23/04/2009

مُساهمةموضوع: رد: أصل لازم نعيش في الدوووووووووووووووور ( منقول )   7/3/2010, 2:11 am

شكراااااااااااااااااا يا أستاذ محمد ع الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أصل لازم نعيش في الدوووووووووووووووور ( منقول )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدرســــــــــة أورمــــــان طلخـــــا للتعليـــــم الأســـــاسى :: منتــــــــدى مدرســــــــة أورمـــــان طلخـــــا للتعليـــــــم الأســــاسى :: االمنتدي العام :: منتدي النقاش والحوار-
انتقل الى: