عدد المساهمات : 1048 تاريخ التسجيل : 16/04/2009 العمر : 59 الموقع : أورمان طلخا للتعليم الأساسى ( ابتدائى )
موضوع: أيام بلون الورد 22/5/2010, 12:34 pm
ايه رأيكم تعالوا نعيش أيام الطفولة وكل واحد يحكى عن موقف أو فعل عايشه أو فعله فى طفولته وما زال يتذكره وأنا هبدأ
( كنت فى الصف الأول الابتدائى وكنت خائفا جدا من المدرسة وجاءت احدى المدرسات وأحضرت لى نوع ما من الحلوى وكانت تحضر لى الحلوى كل فترة وتسأل عنى وبدأت أستيقظ مبكرا وأذهب الى المدرسة حتى أحظى بالحلوى فأحببت المدرسة والمَدرسة)
Lobna Elymany عضو سوبر
عدد المساهمات : 576 تاريخ التسجيل : 13/04/2009 العمر : 48
موضوع: رد: أيام بلون الورد 23/5/2010, 7:06 am
موضوع فعلا رائع يا أستاذ أشرف
وفكرتنا بأيام جميلة
وانا أفتكر موقف وأنا في الصف السادس الإبتدائي
وكان أمتحان أخر العام
وطلب مدير المدرسة من والدي انه يعمل للمراقبين فطير وعسل وجبنه و خلافه
علشان المراقبين يبقوا مبسوطين وميشدوش علينا
وانا سمعت من هنا وفضلت أعيط
وقولت لبابا مش هروح الإمتحان
أصحابي هيقولوا انك عملت كدا علشان أنا اغش
وفين وفين لما أقنعني أروح وقالي أنه خلاص مش هيعمل حاجه
وصدقته ورحت
وخرجت من اللجنه أشوف ايه اللي حصل
للأسف لقيت المراقبين بياكلوا الفطير
وخاصمت بابا واتشاكلت معاهم كلهم في البيت
شكرا مستر أشرف انك فتحت موضوع يفكرنا بالذكريات دي
وكمان فكرتنا بالفطير
الله يرحم أيامه
أشرف صالح عضو سوبر
عدد المساهمات : 1048 تاريخ التسجيل : 16/04/2009 العمر : 59 الموقع : أورمان طلخا للتعليم الأساسى ( ابتدائى )
موضوع: رد: أيام بلون الورد 23/5/2010, 1:13 pm
أسمحى لى أن أشكر حضرتك على صراحتك أولا وعلى اهتمامك بالاعتماد على النفس ثانيا وبحرصك الشديد على كبريائك وده أنا أشهد به أبصم بالعشرة أنى بشوفه فى ولاد حضرتك ربنا يفرحك بيهم
Omaima Admin
عدد المساهمات : 479 تاريخ التسجيل : 12/04/2009
موضوع: رد: أيام بلون الورد 23/5/2010, 6:12 pm
ايوة ايوة اعترفي
وانا اقوووووووووول
يلا هو التعليم باز من قليل؟
اتارى ابوكى هو اللي عمل فطيرة الاساس
Omaima Admin
عدد المساهمات : 479 تاريخ التسجيل : 12/04/2009
موضوع: رد: أيام بلون الورد 23/5/2010, 6:29 pm
انا عندى ذكريات كتير اوى من ايام الطفولة
خصوصا ان ذاكرتى كانت قوية جدا وبفتكر حاجات حصلت من زمان اوى
كلهم كانوا بيقولوا انى شقية وغلباوية مع انى كنت خلبانه وعكس كدا خااااالص
المهم احنا كان جمب بيتنا حته كبيره اوى واسعه وفاضيه
كل عيال المنطقه كنا بنخرج نلعب فيها ونطير طيارات
انا مكنتش بعرف اعمل طياره لكن كنت بعرف اعمل اراجوز
وبقيت اروح اطيره ويعلا لفوووووووق والعيال تجنن لما تشوفه
فكل واحد يجيلي اعمله اراجوز
وبقيت مش عارفه اروح العب بالاراجوز بتاعى لانى مشغولة علي طول
في عمل اراجوزات للعيال وتصليح اللي يتقطع منها
قلت ايه دا طيب وانا هلعب امتى؟
وبعدين قررت فرض اجور رمزية نظير عمل الاراجوز
علي ان يكون مع كل اراجوز بفلوس اراجوز مجانا
لقيت الفكره لاقت قبول وبقى يجيلي عيال من الشوارع اللي حولينا
وكانت ايام كلها خير مصاصه بقا ولبان بلى وعسليا
بس الحق انى كنت بجيب ليا وللعيال
اييييييييييييييه
وجريت الايام وخلصت الاجازة وانتهى عصر الاراجوزات
يلا فوتكم بعافيه
Lobna Elymany عضو سوبر
عدد المساهمات : 576 تاريخ التسجيل : 13/04/2009 العمر : 48
موضوع: رد: أيام بلون الورد 24/5/2010, 7:36 am
يا مفتريه
بتضحكي على العيال
وانا أقول الثروة اللي معاك دي جمعتيها منين
اتاري من بيع الارجوزات والضحك على العيال
Lobna Elymany عضو سوبر
عدد المساهمات : 576 تاريخ التسجيل : 13/04/2009 العمر : 48
موضوع: رد: أيام بلون الورد 24/5/2010, 7:42 am
أستاذنا الجليل استاذ أشرف
شكرا لكلماتك الجميلة
ومش هقولك شعوري ايه بكلماتك عن أولادي
لانك أب وأكيد تعرف وقع شهادة جميلة زي دي على النفس
متشكره جدا يا فندم على شهادتك اللي اعتز بيها
أشرف صالح عضو سوبر
عدد المساهمات : 1048 تاريخ التسجيل : 16/04/2009 العمر : 59 الموقع : أورمان طلخا للتعليم الأساسى ( ابتدائى )
موضوع: رد: أيام بلون الورد 24/5/2010, 9:36 am
الى الأبلة لبنى أشكر حضرتك جدا واعلمى أننى لاأجامل بل هى الحقيقة ألف شكر
أشرف صالح عضو سوبر
عدد المساهمات : 1048 تاريخ التسجيل : 16/04/2009 العمر : 59 الموقع : أورمان طلخا للتعليم الأساسى ( ابتدائى )
موضوع: رد: أيام بلون الورد 24/5/2010, 10:00 am
الى الأبلة أميمة بصراحة أنا حسيت ان حضرتك وانتى بتحكى عن هذا الموقف من طفولتك أنك فعلا طفلة زغننه بتتكلم عن أيام تستحضرها بالفعل وهى تحكى عنها خاصة أنك بنوته صغيره مش ولد بس مش عارف ليه برضه حسيت ان حضرتك بتتكلمى وكأنك فعلا كنت بتتصرفى فى طفولتك مثل الأولاد فا للعب بالطائرة الورقية والأراجوز من ألعاب الأولاد ودائما كان الولد الذى يستطيع عمل الطائرة أو الأراجوز يحظى بشخصية محبوبة لدى جمبع الأطفال ومن ثم شخصية قوية أمام الأخرين وضعيفة جدا أمام من تحب ثم أن اللبان البلى والمصاصة والعساليا دليل قوى على الانتماء الى الطفولة وأنا الأن تأكدت من أن الله لم يحرم حضرتك من تلك الأيام فجعلك مربية فاضلة وطفلة كبيرة لكل الأطفال شكرا لحضرتك على اطلاعنا بأيام من طفولتك أحسبها بلون الورد